Soonka Muxaram Waa Fursad Q:3aad Sabtiga Waa Caashuuraa! WQ: Calinuur Xoogsade
Ogoysiin iyo Cudurdaarasho ayaan ku hor marinayaa maqaalkan si aan u saxo gaf xaga taariikhda ah oo aan ku qoray Maqaalkii cinwaankiisu ahaa Soonka Muxaram Waa Fursad qeybtii labaad, taasoo aan dib ka ogaaday inaysan sax aheyn Taariikhda aan sheegayna ka qaldan yihiin.
Marka waxaan Walaalaha ogeysiinayaa in Caashuurada sanadkan ku aaddan tahay Ilaahay idankii Sabtiga waxaan qofka uu fursad u heestaa inuu soomo Sagaalka Jimcaha ku beegan iyo Tobanka oo Sabti ku beegan ama inuu Sabti Tabanka soomo Axada oo 11 Muxaram ahna dib ka soomo.
Jimcaha waa 09/01/1434 kuna began 23/11/2012 Sabtina waa 10/01/1434 kuna began 24/11/2012 waxaana markasta jiri kara khilaaf ku saabsan Maalinta Tobanka ku beegan tahay maadama aragtida bisha lagu kala duwanaan karo.
Iska Jir Maalmaha Barakaysan Bidcooyinka
Markaana waxaan ka hadlayaa waxyaabo dadku qaar ama Firqooyinka qaar ama Magaalooyinka qaar Muslimiinta dagan ay sameeyaan marka lagaaro Tobanka bishaan Muxram ayadoo qaar ay muujiyaan Farxad gaar ah lana yimaadaan waxyaabo muujinaya Farxda, halka qaar Dadka qaarna ay Murugo muujiyaan ayagoo sameeya arimo muujinaya inay Murugsan yihiin walow Soomalida iyo Soomaliya aanan ku dhex maqal arimahaan, balse maadaama ay jiraan waxaa lagama maarmaana ah in wax la yiraahdo.
Waxaana isweydiin mudan in wax lga ogaado maxay labadaas dhinac u Daliishtaan inay Farxaan ama Murgaan maadaama ay Diin ka tahay ama Diinta Islaamaka dad ku abtirdaba yihiin?
Sheekh Ibnu-Taymiyah Allaha u raxmadee mar uu u jawaabayay dad arimahaaswaxka weydiiyay waxa uu yiri:[Sooma aroorin wax ka hadlaya arimahaas Xadiis ka Saxiix noqday Nabiga Suuban Nabad iyo Naxariis korkiisa Allaha yeelee iyo Saxaabadiisa man ku timaamin arintaas Suno Imaamyada muslimiidta midkood, IMaanada Afarta ah ha ahaadeen ama kuwa kalba, mana ka Warin Kitaabta kuwa qoray Kitaabada Axaadiista la Daliishado wax ka mid ah arintaas, Nabiga Suuban Nabad iyo Naxriis korkiisa ha ahaatee ama saxaabadiisa ama Tabiciinta lama Warin Xadiisna ha ahaato saxiix ama Daciif. Laguma qorin Kitaabada saxiix ah ama Sunanka ama Musnadyada, lagamana soo guurin Axaadiis ku saabasan arintaas Qarniyadii Fadliga badnaa].
Waxa uuna hadalkiisa kusii sheegay Ibnu-Teymiyah: [hase yeeshee kuwa dambeeyay qaarkood ayaa arintaas ka wariyay sida Xadiis sheegaya: Qofkii indha kuushaa Maalinta Tobanaadka daaf kuma dhaco Sanadkaas, Qofkii Qubeesta Maalinta Tobanaadka ma bukoodo Sanadkaas iyo waxyaabo la mid ah ayay sheegeen, waxayna sidoo kale sheegaan Fadli ay leedahay Salaado ay Tobanka bishaan la Tukado, waxay kaloo Wariyaan Xadiisyo sheegaya: in Tobonaadka Muxaram laga Towbad aqbalay Aadan Doontii Nuuxna ay dhulka soo caga dhigatay, Nabi yuusuf inuu Aabihiis u tahay, in Nabi IBraahiim la dabkii laga badbaadiyay, Nabi Ismaaciilna Gooraclaga furtay Caashuuraa]
Ibnu Taymiyah oo hadal dheer ka sheegay waxaa uu nuxurka hadalkiisu yahay: Daliiladaas ay sheegeen Kooxahaas Ahlu Bidcada ah ama kuwa la mid ah oo ku Saabsan Caashuuraa oo Saxiix ah ma jiraan marka laga reebo kuwii aan kaga soo hadalnay Soonka Caashuuraa Fadliga uu leeyahay labadii Maqaal ee horena aan kusoo faahfaahinay.
Hadaba sidaba Dunida maanta laga yaqaano Caashuuraa oo ah Maalinta Tobonaad ee bishaan Muxaram waxaa si gaar ah u buunbuuniya Shiicada diiday Sunada Nabi MUxamad Nabad iyo Naxariis korkiisa Allaha yeelee ayagoo qiil ka dhiganaya ama Daliilo been ah fadliyo gaar ah usoo aroorinaya dhahayana waa Maalintii la dilay Xuseen Ibnu Cali Aalaha ka Raali noqdee ayay mujinayaan Murogo islamarkaana sameeyaan waxyaaba muujinaya inaysan Shiicada ka harin Dhaqankii ay lahaan jireen Beershiyiintii Majuusta aheyd Islaamka ka hor walow kuwaan ay Islamka sheegtaan.
Maalinta Tobanaadka waxa ay Shiicada Raafidada la soo baxaan Seefo iyo midiyo waxaysoo xertaan Dhar madmadaw ayagoo Dhabanadana iska garaaca barooranayana dhahaya waxaan u murgeynaa Dilkii Xuseen Ibnu Cali Allah aka raali noqdee si ay qiil ugu raadsadaan Caadooyinkii Jaahiliga ay lahaan jireen Islaamka ka hor.
Qofkii Muslim ah Diinta Islamkana ama Dhaqanka Muslimiintaba wax ka yaqaana waxaa uu ogyahay waxa ay samaynayaan inaysan aheyn wax Diinta islaamka waafaqsan waayo Islaamku waxa uu faraa Muslimiinta inay Sabraan hadii Musiibo kasta ay dhacdo, waxaa Diinta ku mamnuuc ah in dhabanada layka garaaco xiliga ay musiibada dhacdo ama in dharka la iska jeexjeexo, sidoo kalna waxaa mamnuuc ah in nafta la dhibaateeyo ama lagu sameeyo wax dhibaato kasoo gaari karto
Suurada Albaqra Aayada 115aad: {..u Bishaaree kuwa Sabra…}
Nabiga Suubana waxa uu yiri: {Naga mid ma aha ruuxii Dhabanada Garaaca, Dharkana jeexjeexa..} xadiisku waa saxiix.
Sababta aan arimahaan Munaasabadaan u raacinayana waa in aan kasii digtoonaano Shiicada iyo Barnaamijteeda ku sabsan faafinta fekerkooda ee Soomaliya laga yaabo inuu ka biloowday ama ka bilaaban doono ayadoo ay waayo dhexe Dad badan aad ugu kadsoonaan jireen una haysten inay byihiin Shiicada Gumeysi diid iyo Xaq u dir walow dadka Taariikhdooda yaqaana ay ogyohiin inay abid Gumeysi kalkaal ahaan jiree.
Gunaanad: Cibaado marba hadii laga hadlo iyo Ajar raadsi waxaa Shardi ah inuu Ruux waxa uu samaynaayo laba jeerba aad u digtoonaadaa.
Marka Koowaad inuu Illaah dartiis u sameeyaa Camalka uu ku Cibaadaysanayo asagoon Dan kale ka laheyd cid kala aanan Illaah kula lamaanin.
Marka labaadna Camalka hadiiba uu Cibaado yahay waa inuu waafaqsanaadaa Sunihii Nabi Muxamad Nabad iyo Naxariis Korkiisa Allaha yeelee waayo haduusan Camalka Waafaqin Sunaha waxaa uu nqonayaa Bidco, Bidcana wax Ajar ah laguma helo balse dembi ayuu ka dhaxlaa qofkuu ku cibaadeesta.
Sidaa darteed waa inaan Bishan Muxaram iyo Waqti kastaba Cibaado ahaan loola imaan wax Sunaha Nabigeena Suuban Nabad iyo Naxariis Korkiisa Alalaha yeele aan daliil saxiix ah loogu haynin, waayo Diin ma aha wax la jideeyay Gadaashiis waxaa uuna nooga dhintay Diin Kaamil ah oo aan barax llaheyn kaas ayaana nagu filan barxidna uma baahna.
Illaahay hana waafajiyo inaan ka faaiidaysano Fursadaha Qaaliga ah ee Bisha Muram iyo Bil kastaba dembigeena iyo Dembiga Waalidkeena iyo Macalimiintii Diinka nasoo baray illaah haku cafiyo Cibaadada aan samayneyno aamiin aaamiiin.
W/Q: SH/Calinuur Xoogsade
