Beesha caalamka oo ku baaqay in xaliyo khilaafka ka dhax taagay dowladda dhexe iyo maamulka Jubba

by admin | Tuesday, Jun 9, 2015

Muqdisho : HN :–Beesha caalamka gaar ahaa Qaramada Midoobay, Ururka IGAD, Hawlgalka AU-da ee Soomaaliya (AMISOM), Midowga Yurub, Maraykanka iyo Britain Ingiriiska ayaa sheegay in ay soo dhaweynayaan ilaa iyo hadda horumarka laga gaaray geedi-socodka maamul samaynta ee Jubba.

“Waxaan soo dhaweynaynaa dadaallada Dowladda Soomaaliya, waxaana ku dhiirri-gelina-ynaa Maamulka KMG ah ee Jubba iyo Dowladda Federaalka Somalia (DFS) inay si waxtar leh uga shaqeeyaan sidii lagu xallin lahaa wax kasta oo ka dhasha Geeddi-socodka Golaha Baarlamaan goboleedka Jubba, laguna xalliyo wadahadal iyo wadatashi. Caqabadaha hadda taagan ee la xiriira dhismaha Barlamaanka Jubba waa in lagu wajaho qaab dib-u-heshiisiin iyo isu-tanaasul ku dheehan yihiin,” ayaa lagu yiri war-saxaafadeed wadajir ah oo ay soos aareen saxiibbada Somalia.

Sidoo kale, War-saxaafadeedka ayaa lagu yiri. “Guddiga Wasiirrada ah ee dhawaan u soo dhisay RW Somalia si ay uga talo-bixiyo xalka Beesha_Caalamka_Somaliawaa tallaabo wax ku ool ah. Waxaan soo dhaweynaynaa talaabadan muhimka ah ee horay loo qaaday. Waxaan dhamaan dhinacyada ay arrintu khuseyso ku dhiirrigelinaynaa inay fursad siiyaan RW iyo xubnaha guddiga si ay hawshooda u gutaan iyo in guddiga lala yeesho wadashaqaynta loo baahanyahay.“

Beesha Caalamka ayaa qoraalkooda ku sheegay inay ugu baaqaynaa dhamaan dhinacyada ay arrintu khuseyso inay ka joogsadaan Tallaabooyinka waxyeello u geysan doona geeddi-socodka sameynya dowlad-goboleedyada guud ahaan ama dib u dhac ku keeni kara guulihii geeddi socodka laga gaaray. Iyadoo hadda la sameeyay golaha Baarlamaan goboleedka Jubba, waxaa socda geeddi socodyo dowlad dhisid oo muhim ah oo la xiriira dastuurka maamulka Jubba, arrimahaas dhammaantoodana waxay u baahanyihiin in dhinacyada arrintu khuseyso iyo beesha caalamkuba ay aad u taageeraan waqtigan hadda la joogo.

Ugu dambeyn, qoraalka waxaa lagu yiri, Waxaan rajeynaynaa inaan aragno xal wax ku ool ah oo lagu gaaro hanaan nidaamsan, loo wada dhanyahay oo ay Soomaalidu Horseedo. Saaxiibada ay Soomaaliya Caalamka ku leedahay Waxaa ka go’an inay taageeraan geeddi socodka dalku ee nabadda iyo dowlad-dhisidda.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!