FAALO KA HADLAYSAA FARMAAJO IYO FADALKIISA SIYAASADEED‏

by admin | Monday, Dec 5, 2011

Saado Cali (+) Amin Caamir (X) Inj. Axmadeyga Universal (-) Kooxda Qeylo Dhaan Maxay Ololaha Farmaajo ku kordhin karaan?
ImageUjeedkayga ayaa ah maxaa Farmaajo ka dhigay Rajadii umada soomaaliyeed? ma faaliyaa sheegay sidii odaygii hindiga ahaa ee hore loo yiri wuu faaliyey, mise waaba waxyi oo waxaa jira daliil cusub oo loo hayo arintaasi.

Dad badan oo bulshada soomaaliyeed dhexdeeda magac ku lahaa kana mid ahaa dad lagu tiriyo dhexdhexaadka ayaa helay balanqaadyo siyaasadeedama maaliyadeed damac iyo xaalkii, waxaan arkay koox isku xirantay , waa Farmaajo, Amiinamir , Axmadeeyga Universaltv, Saado cali , Kooxda Qeylo dhaan iyo kuwo kale oo aan wali is cadayn.

Amin Caamir waxaa loo doortay inuu ku dagaalamo Cartoomadiisa, oo uu dowladda xumaan maahee wanaagba ka sheegin ilaa sanadka inta ka dhiman, Saado Calina in ay heeso Farmaajo lagu amaanaayo qaado, Axmadeeyga Universalna uu Tvgiisa ku baahiyo barnaamijyo lidi ku ah Dowladda Madaxweyne Shariif, Qeylo dhaana in ay Qeyladooda ku qal qalgeliyaan Shacabka reer Muqdisho si ay dowladda uga soo hor jeestaan.

Waxaa la yiri rajada soomaaliya , Nabad iyo dowladnimo waxaay ku xirantahay farmaajo Hadaba waa is waydiine farmaajo intee in le,eg ayuu wax ka qaban karaa wadankan, muxuuse ka bedelay maalmuhuu joogay aan ahayn dagaal dhex maray ciidamada manta ka saaray muqdisho shabaab. Oo markii hore awood yaraa waqtigiisiina ku soo beegmay ciidamo badan oo tababaran iyo wajigii dagaalka Amisom oo la bedelay oo laga dhigay nabad dhaliyayaal toosna weerarka uga qayb galay.

Farmaajo ma marin waji siyaasadeed oo kuma dhawaaqin xisbi cusub oo la tartamayaa xukuumada iyo dowlada isbedelna samaynaya , ujeedadiisa kuma salayna soomaaliweyn ee waxuu dagaal iyo gubuxtankii lagu yaqaanay hogaamiye kooxeedyadii Sheekh Sahriif Liqay, ayuu galay isagoo si toosadabada ula galay jufadiisaa taageerona naf iyo maalna wuu waydiistay.

Waxaa beesha Mudane farmaajo siyaasada ka baxday ka dib 21kii sano ee kacaankii siyaad barre balse nasiib wanaag waxaa soo nooleeyey rajada beesha markii Madaxweyne shariif kursiga dib ugu soo celiyey farmaajo oo joogay lix bilood muddo ka yar.

Maxaa ku kelifay inuu farmaajo raadiyo taageerada shacabka?

Qodobka 1aad:- farmaajo waxaa ti toosa u mucaarday Maamulka puntland oo iyagu xalaalaystay saamiga beeleed ee ay wadaageen beesha Farmaajooo mudo dheer saaxada siyaasada ka maqnayd iyo garoomada gogolxaadhka ayaa waxaa xalaashaday kursiga 4.5 beesha Puntland oo la timid qorshe siyaasadeed ka duwan beelaha kale ee ay wax wadaagaan nidaam gobolaysi iyo dhul ay ku gorgortamaan iyo waliba siyaasiyiin u hamuun qaba kursiga oo qaarkoodna siyaabo khaldan ugu guuleysteen isaga oo taas og ayuu helay jaanis aanu filayn waa riyo riyaduna waxay ahayd inuu beeshiisa 21 sano ka maqnayd saaxada siyaasada kursiga labaad hesho , si uu u indho sarcaadiyo bulshada reer muqdisho oo aaminsan dhibka dhacayaa inuu yahay beertii ina siyaad barre, ayuu u muujiyey dabacsani siyaasadeed si uu u kasbado bulshada waana qayb ka mida ciyaaraha siyaasada (nimaad dagi nimaad dili , nimaad dabin u qoolayso waa laysu kala daadiyaa yuusan kaa didine)

Qodobka 2aad:- Waxaa qacdiiba mucaarad kala hor yimid xertii baarlamaanka oo garanwayday xaguu yarku naga soo booqday yaa watay,yaa ka danbeeyey ? muxuu siday muxuu keenay ? muxuu hayaa ? waxaana muran mudo ka taagnaa gacanta u taaga iyo u taagi mayno.

Qodobka 3aad:- Bulshada caalamaka ee mushaharka dowlada ku meelgaarka ah bixisa kuma qanacsanayn sidaa awgeed waxuu isku dayey inuu helo waji ka duwan kaas oo uu shacabka beerlaxawsado inta uu ka helayo saaxiib siyaasadeed oo caalami ah ama wadamo taageera ama uu kahelo saaxiibnimo siyaasadeed, sida wadamada reer galbeedka ee maalgeliya daneeyana arimaha soomaaliya.

Hadaba waxaa intaas dheeraa Madaxweynaha DKM oo ahaa shaqsiga u ogolaaday inuu xukuumadiisa wasiiradiisa u noqdo xor aana wax faragelina ku samayn ayaa waxaa uu siiyey fursad wanaagsan waxqabadkii meeshaa ka dhacay iyo kan hada dhacana waxaa amaanteeda iska leh Mudane SheikhShariif Sheikh Axmed.

Hadaba shirarka ka dhacayaa Talyaaniga iyo nayroobi laguna wado in lagu qabto wadamo badan oo Canada iyo amerika ah ee loogu magacdarayRajada soomaaliya waa Farmaajo miyeysan ahay (Riyo soo jeeda ah, oo run loo maleeyey rafaad ku danbayn doonta.

Sida cad haddii aan hadalka daaha ka rogo istiraajiyada farmaajo ee siyaasadeed waxaad ka dhadhahnsan karaysay shirkii Norwey oslo oo uu ku fashilmay oo xitaa caro iyo ciil dartiis sawirada madaxweynaha hala jeexjeexo yiri, iyo mudaaharadadii lacagta lagu bixiyey ee dadka masaakiinta ah qaarkood lagu qalday kuna nafwaayeen oo iyaguna uu ku muujiyey damaciisa siyaasadeed ee qaawan.

Farmaajo waxuu godobta xilkiisa u tirsanayey kampla iyo Uganda hadanadhakhso ayuu ugu noqday isaga oo la ogaa sababtuu u tegay inay ahaydwaxoogaa balanqaadkii loo sheegay haduu xilka ka dego in la siinayo.

Hadaba waxuu yiri waxaan uga degay dan soomaaliyeed , waxuu kale oo yiri waxaan wadanka iga soo saaray xor ma nihin, isaga oo xor oo dhalashadii maraykanka watona waxuu tegay kampala waxuuna ka soo qaatay qadar yar oo Meher ah oo aan buurnayn sidii rag ka horeeyeyba.

Haddii ninka damaciisa siyaasadeed intaas le,eg yahay noqday rajada soomaaliya waxaan aaminsanahay inaysayn soomaaliya rajoba u harin waa haday ku xirantay farmaajo ilaahay kuma xirine , mideeda kale Farmaajo soow ma aheyn wiil meesha la keensaday hadana laga saaray ?

Xiinka siyaasadeed ee beelaysan ee dhagaraysan ee farmaajo iyo dagaalka uu kula jiro dowlada KMG ah iyo maamulka Puntland dadka u malaynayaa rajo soomaaliyeedoow haku dagmina hana ku sirmina (Hubsada oo ka hara,hantaaqada iyo hagardaamada ay wadaan kooxaha shirarka abaabulayawaad mahadsan tihiin .
waxaa  qoray
Cabduraxmaan  S. Maxamuud
cabdisalaad420@hotmail.com

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!