Kaluumeysiga sharci darradaha oo laga cabsi qabo in ay dib u soo celiso burcad badeedii Soomaalida

by admin | Tuesday, Sep 15, 2015

Muqdisho : HN : –Warar soo baxaya aya sheegaya in badda Soomaaliya xiligan ay ka jirto kaluumeysi sharci darro ah, taa oo laga digay, iyadoo laga baqdin qabo in ay arrintaa dib u soo celiso burcad badeedii Soomaalida.2015915635779068964683099Somalia sea

Warbixinta ka soo baxday hey’adda ka faloota Kalluumeysiga Nabdoon ayaa lagu sheegay in maraakiibta ajaaniibta ay kalluumeystaan saddex jibaar inta ay kalluumeystaan Soomaalida, iyagoo ka sameynaya in ka badan saddex boqol oo milyan oo dollar.

Sidoo kale warbixinta ayaa lagu sheegay in sababihii ay ku aas-aasmeen burcad badeedka ay aheyd kalluumeysiga sharci darada ah, isla markaana ay haatan si xowlo ah u socdaan howlaha kaluumeysiga sharci darrada.

Dalalka Iiraan, Yemen iyo wadamo kale oo ku yaala Qaaradda Aasiya ayaa ka mid ah dalalka ugu badan ee kalluunka qaaliga ah ka qaata Xeebaha Soomaaliya.

Warbixinta ayaa sidoo kale sheegtay kallumeysiga sharci darrada inay u daran tahay deegaanka, iyadoo shabaqyada kalluunka ee wa awayn ee loo isticmaalo biyaha hoostooda uu baabi’iyo waxa badda ku dhex nool.

Ugu danbeyntii badda Soomaaliya ayaa qani ku ah noocyada kala duwan ee Kalluunka, sida Kalluunka Tunnaha loo yaqaano, kaasoo si aad ah loogu iib geeyo dalalka Caalamka.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!