Kenya oo bilaabeysa dhismaha darbi u dhaxeeya xadka ay la wadaagto Soomaaliya

by admin | Sunday, Mar 22, 2015

Nairobi : HN :–Kenya ayaa markii ugu horeysay shaaca ka qaaday dhismaha darbi u dhaxeeya xadka  ay la wadaagto Soomaaliya, kaddib markii ay bateen weerarada uga imanaya xoogagga Al-shabaab.

Wasiirka arrimaha gudaha dalka Kenya, Joseph Nkaissery ayaa sheegay in darbiga ay ka dhisayaan dhammaan xuduudda ay la wadaagaan Somalia, taasoo uu xusay inay qayb ka qaadan doonto sugidda amniga gudaha Kenya.

Al-shabaab ayaa dhowr jeer weerarro khasaare badan geystay oo xadka ay kaga tallowday ka geysatay gudaha Kenya, waxaana kooxdu ay ugu baaqday Kenya inay ciidamadooda kala baxdo Somalia si ay dalkooda ugu helaan ammaan.

“Dhismaha darbigan waxaan billaabaynaa todobaadka soo socda, waxaana laga billaabayaa degmad Mandheer, si looga hortagoJoseph_ Nkaissery _Kenya_Minister kooxaha soohdinta ka soo gudba,” ayuu yiri Joseph Nkaissery.

Xildhibaanka aqalka sare ee laga soo doorto Mandheera Bilow Keeroow ayaa taageeray qorshaha dhismaha darbigan, balse wuxuu shaaciyay inuu yahay qorshe KMG ah oo lagu adkeynayo amniga Kenya.

Sidoo kale, xildhibaanka kale ee laga soo doorto Gaarisa, Ilyaas Barre Shiil ayaa isna horay u sheegay in ay kasoo horjeedaan fikirka dhismaha darbiga ay xukuumadda Kenya ka dhisayso xuduudda.

Qorshahan ayaa ahaa mid markiisii hore loo qorsheeyay in laga hirgeliyo Laamu oo ah deegaanka xeebta Kenya ku yaalla, halkaasoo ay xoogagga Al-shabaab ka geysatay weerarro khasaare badan; balse xilli dambe ayaa la ballaariyay.

Kenya ayaa waxaa Soomaaliya kaga sugan ciidammo qayb ka ah Howl-galka Midowga Midowga Afrika ee AMISOM, iyadoo ciidamadan gudaha Somalia ku sugan ay si weyn uga soo horjeesatay Al-shabaab.

Si kasta ha ahaatee, Al-shabaab ayaa dhowr jeer ku goodisay inay weerari doonto gudaha Kenya, inkastoo aan la ogeyn wuxuu darbigaan la dhisayo ka bedeli doono weerarradii ay Al-shabaab ka geysanaysay gudaha Kenya.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!