Maamulka Koonfur galbeed oo diyaariyay xubnihii ku matali lahaa aqalka sare

by wadani | Thursday, Oct 6, 2016

Baydhabo : HN :-Madaxweynaha maamul-gobleedka Koonfur-galbeed Shariif Xasan Sh. Aadan ayaa sheegay inay diyaariyeen wakiillada ku matalaya maamulkiisa Aqalka sare ee baarlamaanka Somalia ee la dhisayo, kaddib markii guddiga doorashooyinka dadban ay sheegeen in ay dib u dhaceen soo gudbinta magacyada xubnaha Aqalka Sare.

Shariif Xasan, ayaa sheegay in maamulkiisa uu dadaal badan ku bixiyay sidii loo diyaarin lahaa xubnaha Aqalka Sare u matalaya, isagoo xusay in dadaal badan kaddib la diyaariyay xubnaha maamulkooda matalaya. Madaxweyne Shariif Xasan Sh. Aadan ayaa intaa ku daray in xubnaha laga soo kala xulay deegaannada maamulkiisa uu ka taliyo.

Dhanka kale, Shalay ayay Guddiga Doorashooyinka Dadban war-murtiyeed ay soo saareen ku sheegeen in loo baahan yahay in muddo labo maalmood ay ku soo gudbiyaan xubnaha maamul-goboleedyada Somalia ku Metelaya Aqalka sare.

Ugu dambeyn, Madaxweynaha Koonfur-galbeed ayaa sheegay in labo maalin gudahood ay ku wareejin doonaan Guddiga Doorashada Xubnaha ku Meteli doona maamukooda Aqalka Sare ee Baralamaanka Soomaaliya.

 

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!