Madaxweyne Xassan Sheekh” bisha Agoosto 26-keeda ayuu ku eg yahay waqtiga dowladda

by admin | Sunday, May 10, 2015

Muqdisho : HN :–Madaxweynaha dowladda Soomaaliya Xassan Sheekh Max’uud isaga oo khadka taleefoonka kula hadllayay kumanaan Soomaali ah oo kala jooga daafaha caalamka iyadoo madaxweynuhu uu shacabka uga warbixinayay xaaladda uu dalku marayo.

Teleconference-gan ayaa waxaa qayb ka ahaa ka haqab-tirka Soomaalida dibadaha ku nool ujeeddooyinka uu madaxweynuhu doonayo in ay dalka ku hoggaamiyaan sida siyaasadda, ammaanka iyo dib u dhiska.

Arrintan ayaa ahayd fursad ay shacabka Soomaaliyeed u heleen inay su’aalo ku weydiiyaan madaxweynaha Somalia, isla markanaXasan-Sheekh helaan jawaab buuxda oo ay ku qancaan. Inkastoo ay ahayd markii ugu horreysay oo taleefoon ay su’aalo ku weydiiyaan madaxweynaha, haddana waxaa dadka ka buuxsamay qadka, taasoo noqotay inay dad badan ay dib ula noqdaan su’aalo ay rabeen inay madaxweynaha weydiiyaan.

Sidoo kale Teleconference-gan ayaa soccday labo saac oo xiriir ah, waxaana furay madax-weynaha Somalia, Xasan Sheekh isagoo xusay in dowladdiisa aysan rabin waqti kororsi, uuna xilka ugu ekaan doono bisha Ogoosto 2016-ka, isagoo xusay inay gaarsiin doonaan dalka meel ka wanaagsan 2012-kii oo ay xilka qabteen.

Xasan Sheekh ayaa la Weydiiyay su’aalo badan oo u badnaa Hiigsiga 2016-ka, Federaalka iyo dar-dar-gelinta qabyo-qoraalka dastuurka, wuxuuna uga jawaabay su’aalaha oo dhan si hufan, isagoo ballaanqaaday inuu marar kale sidan oo kale u qaban doono Teleconference si ay su’aalo u weydiiyaan dadka Soomaaliyeed. Isagoo dadka Soomaaliyeed ka dalbaday inay ka qaybqaataan dib u dhiska iyo horumarinta dalkooda.

Ugu dambeyn, waxaa Teleconference-gan soo qaban-qaabisay madaxtooyada Soomaaliya, iyadoo tani ay qayb ka tahay fursadaha ay dadka Somaaliyeed ugu heli karaan madaxdooda inay su’aalo ku weydiiyaan si ay wax badan uga ogaadaan xaaladaha uu dalku marayo.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!