Madaxweyne Xassan Sheekh oo la kulmay dhigiisa dalka Jabuuti

by admin | Wednesday, Sep 2, 2015

Djabuuti: HN :–Madaxweynaha dowladda Soomaaliya Xassan Sheekh Max’uud ayaa dalka Jabuuri kula kulmay dhiggiisa dalkaasi Ismaaciil Cumar Geelle.

Madaxweyne Xassan Sheekh oo maanta ka degay garoonka diyaaradaha ee magaalada Jabuuti ayaa waxaa hxalkaasi ku soo dhaweeyay madaxweynaha Jabuuti Ismaaciil Cumar Geelle, waxeyna labada madaxweyne kulan gaar ah ku qaateen isla garoonka diyaaradaha ee magaalada Jabuuti.

Labada madaxweyne ayaa ka wadahadalay arrimo ay ka mid ahaayeen iskaashiga labada dal iyo xoojinta xiriirka walaalnimo ee u dhaxeeya Jabuuti iyo Soomaaliya.

Madaxweyne Xasan Sheekh Maxamuud ayaa uga warbixiyay madaxweynaha Jabuuti xaaladda dalka gaar ahaan howlgalladii ugu dambeeyay ee ciidamada XDS iyo kuwa AMISOM ay kula wareegeen deegaanno farabadan oo ay hore ugu sugnaayeen maleeshiyaadka Alshabaab.

Sidoo kale madaxweyne Xasan Sheekh ayaa ka waramay qorshayaasha dowladda iyo horumarrada kala duwan oo ay ku tallaabsatay, wuxuuna uga mahadceliyay dowladda Jabuuti taageeradda ay u fidisay dowladda Soomaaliya.

Kulanka labada madaxweyne ayaa ku soo dhamaaday jawi wanaagsan, iyadoo madaxweynaha Soomaaliya uu sii watay safarkiisi ku wajahnha dalka Talyaaniga.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!