Markab u rarnaa ganacsato Soomaaliyeed oo soo caariyay

by admin | Friday, Oct 17, 2014

Eyl : HN :–Xeebta degmada Eyl ee gobolka Nugaal ayaa waxaa ku soo caariyay Markab u rarnaa ganacsato Soomaaliyeed,kaddib markii la sheegay inay la soo daristay cilad dhinaca matoorka ah.

Dadka deegaanka ayaa warbaahinta u xaqiijiyay inuu markabka ahaa nooca xamuulka qaada,kaas oo u rarna ganasato Soomaaliyeed balse cilid ku timid aawadeed waxaa uu ku soo caariyay xeebta deegaanka Kabaal oo ku dhow degmada Eyl .

Markabkan waxaa la sheegay inuu ka yimid magaalada Dubia ee dalka Imaaraadka Carabta,waxuuna ku sii jeeday magaalada Muqdisho ee caasimada dalka,sida ay sheegen qar ka mid ah dadka deegaanka.

Deegaanka Kabaal oo ku dhow degmada Eyl ee gobolka Nugaal ayaa la sheegay inuu markabku ku soo caariyay,waxaana qof deegaanka ah uu u sheegay Raxanreeb inuu Markabku joogo xeebta deegaanka muddo afar cisho.

“Maalintii afarad ayuu Markabku jooga xeebta Kabaal,waxaana ay noo sheegen rag Markabka saaran in cilid ku timid matoorku uu u sooMarkab caariyay,waxuu markabku rarna ganacsato waxuu ka yimid Dubia waxuuna ku sii jeeday dekedda Muqdisho,”ayuu yiri Axmed Cali oo kamid ah dadka deegaankaas oo la hadlay warbaahyinta gudaha.

Axmed Cali waxuu sheegay in dadka deegaanka oo is xilqaamay ay garsiiyeen cunto iyo biyo gurmad ah shaqaalaha saaran Markabkan oo laga leeyahay dalka Siiriya, waxaana bad-maaxinta saaran ay isugu jiraan Afrikaan iyo carab.

Ciidamo ka socda kuwa ilaalada xeebaha Puntland ayaa sidoo kale la sheegay in ay gaareen deegaanka Kabaal si ay u ogaadaan xaaladda shaqaalahan oo dhowr maalin badda dul-sabaynayay.

Ma jirto wax hadal ah oo ka soo baxay ganacsatada uu Markabku u raran-yahay,balse waxaa la sheegay inay shaqaalaha iyo agabkii sarna markabka ay badqabaan.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!