Naftaa igu kaa qasbeysee, uma qalantid Caashaqa. (Qaybtii 1aad) WQ: Adan Jama Kahin

by Yahye | Monday, Aug 6, 2012

Qisadani waa sheeko dhab ah oo Jacayl xanuun badan xambaarsan. Sheekadanina waxa ay ku dhacday wariyaashii sanadadii todobaatanadkii ilaa sideetanadakii kuwii ugu caansanana mid ka mid ah barigaa kaasoo loo yaqaan Abdala Nuuradin Alaha u Naxariistee. Waxanu sida la ogyahayba uu ahaa nin wariye ah oo aad u cod macaan, islamarkaana ah hal abuure.

Waxa heesaha uu alifay badankooda qaada Fanaanka loo yaqaan Cumar Shooli oo isna ah fanaan katirsan Hobalada Waaberi, kaasoo qaadi jiray heeso uu alifay Cabdala oo ay ka mid tahay ta imika kor ku xusan.

Abdala Nuradiin wuxu ku sookoraydhulka loo yaqaan Somali Galbeed magaalada JigJiga kadibna xagaa iyo Muqdisho ayay isaga iyo walaashiiba u soo wareegen. Wuxu ahaa wariye la jecelyahay hadaan idin xasuusiyo barnaamijyadii uu ka sheegi jiray Radio muqdisho, waxaa ka mid ahaa barnaamujkii I maqashii I madadaalioo ay isla daadihin jireen isaga iyo wariyayaasha kala ah Ahmed Hassan Cawke iyoLuul Ali Hassan (Luula) waxa intaa u dheerayd isagoo Cabdale ahaa jilaa wax ka metela ruwaayadihi Kooxda Banadir oo ay ugu danbaysay ruwaayadii loo yaqaanay (Shumeey) ee aadka looga wadahelay. Waxa kale oo ay isaga iyo Cawke hadana si wadajir ah u sheegi  jireen barnaamujkii ciyaaraha kooxaha Seera A iyo Qarankaba.

Wakhiga aaan sheegayo wadankuna barwaaquu ahaa, dadkuna dad aad isujecel bay ahaayeen. Hadaba, waxa dhacday in Cabdala Nuuradin uu jeclaaday Inan aad u qurux badan, dheer, indho qurux leh, socod macaan,hilib meel dhexaadna leh iyo waliba cod aad u macaan oo ku soo jiidanaya adiga, kaasoo ay ku soo ifbaxayan akhlaaqwanagsan, ixtiraam iyo degananshaba.

Wuxu ku arkayCabadale sida  la sheegay sheegay suuqa iyadoo kaligeed maraysa. Wuu ka dabategay waxa uuna  isku dayay inuu iska dhigo ninaan garanayn Bangiga dhexe ee Centrale kaasoo aan sida uga fogayn halka.

Wuxuu waydiiyay inantii (gabadhii) iga raali ahaw Abaayo ma ii tilmaami kartaa adigoo raaliya meesha uu ku yaalo Bangiga dhexe ee Dawlada. Waxay ku tidhihaa Aboowe macane oo wuxu ku yaalaa halka danbe Shaneema Xamar ka danbaysa. Wuxu yidhi waad mahadsantahay Abaayo, laakin mid kale Abaayo an ku waydiiyee meel baan hore kuugu arkay mise talaw waa qof kale miyaad adigu ka shaqaysa Somali Airlaynta, waxay tidhi maya Abowe malaha qof  kale aad aragtay. Wuxu ku yidhi Abaayo adigoo iga raaliya gabadh fiican baad tahay ee ma ii sheegi karta magacaaga iyo meesha ku nooshahay markiiba magaceedi iyo meeshi ay degenayd ayay u sheegtay.

Halkaa ayay arrinta kulankii hore ku dhamaatay, hadaba inanta ama (gabadha) qofba siduu u yaqaanaba.Waxa dhalay Aabo Somaliya iyo Hooyo Hindiyad ah. Waxa inanta walaalo ahaayeen ilaa dhawr caruur ah oo yar yar ah. Waxay inanta reerkeedu degenaayeen Xaafada Via Liberia ee ka tirsanayd degmada Waaberi ee magaaladaMuqdisho.

Abdala markiiba jacelybaa duxay wuxu markiiba in uu heeskii ugu horeyay uu katiriyo inanta , taasoo uu ku amaanayo qurxdeeda , socodkeeda iyo akhlaaqdeedaba, waxa heesta markii ugu horeyay laxanka iyo luuqdaba ku heesay Fanaanka Cumar Shooli , waxana ka mid ah ereyadeeda ( ma iyadoo kaleeta , aqal lalagelaya…..).

Sidaan la wada socono,bariga wadanka Telephono sidaasi majirin, marka A.Nuradiin wuxu soomari jiray xaafada agteeda marwalba aanu shaqaynayn bal si uun mar uun idhihiisu inanta u qabtaan. Maalin Khamiis ah oo ay casar ku sii degaayo qoraxduna heerkulkeedu dhexdexaad yahay saacaduna tahayila  4 tii galabnimo ayuu soo agmaray xaafada dukaan u dhaw si uu arko inantii (gabadhii) isagoo halkaa markii horena dhawrjeer oo horena kuhungoobay. Nasiib wanaag, isagoo xagii gurigeeda eegaya ayay dukaanki ka soobaxday si lama filaan ah. Markuu arkay wuu naxay oo markiiba salaam ayuu boobsiiyay Abaayo see tahay, waxay tidhi aboowe nabada ma wiilki maalinkii baad tahay haa uu wuxu yidhi waxan ahay Cabdala Nuradiin. Haa aboowe cod fiican baad leedahay oo waxan dhegays taa Radio Muqdisho wuxu yidhi waad mahadsantahay.

Inta ha inoojoogtoqaybt 1aad , lanasocoqaybta 2aad.

Waa Qalinkii :Adan Jama Kahin

Milton keynes, UK.

 

Like it? Share it!