Pro Jawaari oo ka qeyb-gallay daah furka xarun cusub oo uu ku shaqeyn doono baarlamaanka Jabuuti

by admin | Sunday, Nov 23, 2014

Djabuuti : HN :–Guddoomiyaha baarlamaanka Soomaaliya Pro Max’ed Cismaan Jawaari ayaa ka qeyb-gallay furitaanka xarun cusub oo uu yeellanyo baarlamaanka dalka Jabuut, isaga oo halkaa kulamo kula yeeshay guddoomiyayaal baarlamaanka oo munaasabada furitaanka ka qeyb-gallay.

Gudoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan Jawaari oo wafdi Xildhibaanno ah oo uu hogaaminayo ay ku sugan yihiin magaalada Jabuuti ayaa saakay ka qeybgalay Munaasabad lagu furayey dhisme cusub oo uu ku howlgali doono Golaha Baarlamaanka Qaranka Jabuuti isagoo kulammo gaar gaar ahna la qaatay gelinkii dambe ee maanta Gudoomiyeyaasha Baarlamaannada dalalka caalamka qaarkood iyo safiirro.

Munaasabadda furitaanka dhismaha cusub ee Baarlamaanka Jabuuti oo maanta uu si rasmi ah xarigga uga jaray MadaxweynahaJawaaribxarun Jamhuuriyadda Jabuuti Mudane Ismaaciil Cumar Geele waxaa sidoo kale lagu marti qaaday oo ku sugnaa Gudoomiyeyaasha Baarlamaannada dalal caalamka ka tirsan sida Gudoomiyaha Baarlamaanka IRAN oo dalkiisa uu dhismahan hirgeliyey, Gudoomiyeyaasha Baarlamaannada Saudi Arabia,Imaaraadka Carabta,Jaamacadda Carabta,Kuwait,Yemen, Sudan iyo hormuudka Baarlamaannada Afrika.

Dhinaca kale Gudoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari ayaa kulammo gaar gaar ah gelinkii dambe ee maanta kula qaatay Hotelka Kampiski ee magaalada Jabuuti Gudoomiyeyaasha Baarlamaannada Iran,Imaaraadka Carabta iyo Jaamacadda Carabta kuwaasi oo dhammaan ay ka wada hadleen xiriirka iyo wada shaqeynta uu Golaha Shacabka Jamhuuriyadda Federaalka Soomaaliya la leeyahay Baarlamaannadaasi,sidoo kalena Gudoomiyaha Baarlamaanka waxa uu kulammo la qaatay safiirrada dalalka caalamka qaarkood u fadhiya dalka Jabuuti.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!