Ra’iisal wasaare Cumar C/rashiid oo la kulmay ergeyga midowgga Africa

by admin | Saturday, Jan 3, 2015

Muqdisho :HN :– Ra’iisal wasaaraha  Soomaaliya Cumar C/rashiid Cali Sharma’arke ayaa xafiiskiisa ku qaabilay maanta ereygga midowga Africa u qaabilsan Soomaaliya ahna Mamadu Sidiku.

Labada mas’uul waxaa ku waheliyay kulankooda job-joogeyaal ka ahaayeen saraakiil ka tirsan AMISOM iyo xafiska ra’iisul wasaaraha.

Danjiraga Midowga ee Soomaaliya, Mamadu Siduku ayaa Ra’iisul wasaaraha Soomaaliya war-bixin ka siiyey shaqooyinka ciidammada AMISOM ay ka wadaa guud ahaan Soomaaliya iyo doorka ay ku leeyihiin naddeynta Soomaaliya dhismaha iyo taakuleynta ciidammada Qaranka Soomaaliya.

Ra’iisul wasaare Cumar C/rashiid, ayaa uga mahadceliyey Danjiraha Midowga Africa sida ay Soomaaliya u garab taaganRW_Sharmarke_iyo_Danjire_Sidikou_1 yihiin iyo dadaalka AMISOM eek u wajan in lagu guuleysto xasilinta iyo la dagaallanka argagixisada dhibaatada ku heysa Soomaaliya.

Sidoo kale inta uu kulan socdey ayaa la isku soo qaaday sidii loo xoojin lahaa xiriirka Midowga Africa iyo Soomaaliya wada shaqeynta u dhaxeysa Xafiiska Ra’iisul wasaaraha iyo AMISOM, ayaa Ra’iisul wasaaruhu u sheegay in lagama maarmaan ay tahay in AMISOM ay gacan buuxdo ka geysato sidii loo taakuleyn lahaa ballaaran ciidammada Booliska I ay ula wareegaan guud ahaan ammaanka magaalooyinka waa weyn ee dalka iyo in la dhameystiro isku dhafidda Ciidammada Qalabka Sida.

Kulankan ayaa diiradda lagu saaray qeybihiisa dambe in Ciidammada Xoogga dalka Soomaaliyeed iyo AMISOM ay sii dardargeliyaan howlgallada socda ee lagula dagaallamayo kooxaha nabad-diidka ah ee Al-Shabaab, si gobollada dalka oo dhan loo gaarsiiyo barnaamijka xasilinta dalka ee qorshihiisu uu socdo hadda.

Ugu dameyntii Ra’iisul wasaaraha Jamhuuriyadda Federaalka Soomaaliya, Mudane Cumar C/rashiid Cali Sharma’arke, ayaa ku ammaanay doorka Midowga Africa ee Somalia, waxa uu uga tacsiyeeyey weerarkii ay argagixsadu ka geysteen saldhigga ugu weyn AMISOM ee Xalane, waxa uuna ballan qaaday in uu sii joonteyn doono wada shaqeynta Xukuumadda Midowga Africa iyo AMISOM, si dalka loo gaarsiiyo hiigisga 2016-ka oo ah qorshaha u degan Soomaaliya.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!