Sacuudiga oo howlgalo military ka bilaabay wadanka Yemen

by admin | Thursday, Mar 26, 2015

Hiiraan Net; HN;– Sacuudi Carabiya ayaa gudaha Yemen ka billowday hawlgal milatari oo ay uga jawaabeyso baaqii madaxweynaha Yemen Cabdu-rabuuh Mansuur Haadi.

Qaraxyo ayaa laga soo sheegayaa in laga maqlay magaalada caasimadda ah ee Sanca iyo garoonka ugu weyn ee ku yaala koonfurta.

Telefishin taageeraya maleeshiyaadka fallaagada Xuutiyiinta ayaa ugu baaqay hawlwadeenada caafimaadka in ay ka shaqo billaabaan cusbitaalada ku yaala magaalada Sanca.

Safiirka Sucuudiga u fadhiya Mareykanka ayaa sheegay in iyaga iyo golaha ay xulafada yihiin ee iskaashiga khaliijka ay wadaan duqeymo lagu taageeraya dowladda sharciga ah ee Yemen isla markaana looga hortagayo in fallaagadu ay dalka la wareegaan.

Aqalka Cad ee mareykanka looga arrimiyo ayaa sheegay in madaxweyne Obama uu amar ku bixiyay in hawlgalkaasi Sucuudiga hormuudka ka yahay laga taageero dhanka saadka iyo mukhaabaraadka.

Warbaahinta Sucuudiga ayaa sheegtay in xukumadda Riyaad ay hawada dalka Yemen ka dhigeyso meel duulimaadyada ka caagan, waxa ayna maraakiibta uga digtay in ay ku soo dhawaadaan dekadaha Yemen.

Hiiraan Net

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!