Wasaarrada haweenka” looma dul-qaadan doono tacadiyada lagula kaco haweenka

by admin | Friday, Mar 6, 2015

Muqdisho : HN :–Wasiirka Haweenka iyo Horumarinta Xuquuqul Insaanka Marwo Sahra Maxamed Cali Samatar ayaa sheegtay in aan loo dulqaadan doonin tacadiyada haweenka loo geysto, iyadoo hadalkan jeedisay xilli loo diyaar garoobay munaasabada maalinta haweenka.

“Maadaama loo diyaar garoobayo munaasabadda maalinta Haweenka ee 8da Maarso waxaa muhiim ah in bulshada laga wacyi geliyo dhibaatooyinka tacadiyada haweenka, oo dhaqan ahaan iyo diinteena suuban-ba lagu sheegay in shaqsiga karaamadiisa iyo sharafkiisa loo baahan yahay in kor loo qaado, lagana badbaadiyo dhammaan tacadiyada oo dhan”ayay tiri Wasiiradda Haweenka iyo Horumarinta Xuquuqul Insaanka

Wasiiradda oo sii hadleysay ayaa tiri “Soomaalidu waa dad aad u ixtiraama dumarka oo dhaqan ahaan iyo diin ahaanba falalkaWasiir-Sahro tacadiyada ay ahaayeen kuwo bulshada meel uga soo wada jeesato, hase yeeshee dad yar oo kooban ayaa caadeystay inay dumarkeena xumeeyaan, taasna ma aha mid aan aqbali karno.

“Dowladda Soomaaliya waxaa ka go’an in la horumariyo xaquuqda dumarka, carruurta iyo dhammaan shacabka Soomaaliyeed. Siyaasad cad-cad baana ka leenahay oo aan marnaba loogu dulqaadan karin falalka noocan oo kale ah. Caalamka oo dhan waxaa la isku raacsan yahay inay lama taabtaan tahay xaquuqda muwaadiniinta, waxaana aragnaa sida gabdhaha iyo haweenka dalka India ay maalmahan ugu bannaan baxayeen si ay u muujiyaan sida aysan raalli uga aheyn tacadiyada loo geysto dumarka oo ay dalbanayeen in wax laga qabto. Waan la qabnaa walwalkaas oo waan la murugooneynaa, waana inaan cashar ka baranaa caalamka intiisa kale.”

Wasiir Sahra ayaa ugu danbeystii ku soo gabogabeysey hadalkeeda “Dhammaan shacabka Soomaaliyeed, gaar ahaan haweenka waxaan ugu baaqayaa inay doorkooda muhiimka ah ka qaataan sidii bulshada looga wacyi gelin lahaa dhibaatooyinka tacadiyada si aan u wada gaarno heer loo wada joojiyo dhammaan tacadiyada loo geysto muwaadiniinta Soomaaliyeed. “

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!