Wasiirka arimaha gudaha iyo federaalka oo soo dhaweeyay hishiiskii Gaalkacyo

by wadani | Wednesday, Dec 2, 2015

Gaalkacyo : HN :–Wasaaradda arrimaha gudaha iyo federaalka waxaa ay soo dhaweyneysaa heshiiskii taariikhiga ah ee maanta lagu gaaray magaalada Gaalkacyo, kaasoo laf-dhabar u ah xal-u-helidda colaaddii ka taagneyd magaaladaasi maalmihii lasoo dhaafay. Dowladda Federaalka ah oo kaashaneysa madaxda maamul-goboleedyada, iyo xubno ka tirsan beesha caalamka ayaa ka soo wada shaqeeyay taabbo gelinta heshiiskaas.

Wasaaradda arrimaha gudaha federaalka waxa ay ugu hambalyeyneysaa hogaamiyeyaasha labada maamul eeOdawaa_Wasiirka_Arrimaha_Gudaha_Somalia Puntland iyo Galmudug sida xilkasnimada iyo geesinimada laheeyd oo ay u qaateen heshiiska isla markaana xil ballaaran iskaga saareen sidii bulshada ku nool magaaladda Gaalkacyo ay nabad ugu wada noolaan lahaayeen.

Wasiirka arrimaha gudaha Cabdiraxmaan Maxamed Xuseen (Odawaa) oo ka mid ahaa masuuliyiintii arrintaas ku howlanaa maalmihii lasoo dhaafay ayaa yiri, “Heshiiskaan wuxuu muhiim u yahay soo af-jaridda colaaddii ka aloosantay magaalada Gaalkacyo iyo dib u soo celinta dadkii ku barakacay colaaddaas.  Sidoo kale Wasiir Odowaa wuxuu sheegay in uu ku reja wayn yahay in heshiiskani uu qeyb ka noqdo dadaalada loogu jiro in xal waara loo helo khilaaf kasta oo ka jiro magaalada Gaalkacyo. Wuxuu kaloo bogaadiyay biseylka siyaasadeed ee ay muu jiyeen  labada dhinac.”

Wasaaraddu waxa ay xuseysaa dowrka muhiimka ah oo ay ka qaateen  Ra’isul Wasaaraha Xukuumada  Federaalka Mudane Cumar Cabdirashiid Cali, Madaxweynayaasha maamullada Koonfur Galbeed iyo Jubbaland, mudane Shariif Xasan Sh. Aden iyo mudane Axmed Maxamed Islaam, kuwaas oo kaalin buuxda ka qaatay sidii la iskugu soo dhaweyn lahaa shacabka iyo maamullada Puntland iyo Galmudug.

Wasaaradda Arrimaha Gudaha iyo Federaalka waxay ku boorineysaa Puntland iyo Galmudug in ay si buuxda u fuliyaan qodobada ku xusan heshiiska kana shaqeeyaan sidii nabad iyo xasilooni waarta loogu heli lahaa shacabka deggan magaaladda Gaalkacyo iyo dhamaan gobolka Mudug.

Ugu danbeyntii Wasaaradda Arrimaha Gudaha iyo Federaalka waxa ay ka codsaneysaa deeq-bixiyeyaasha iyo hay’adaha gargaarka in ay gacan ka geystaan samata bixinta dhibaatadii bini’aadaminimo ee ka dhalatay colaaddii Gaalkacyo iyo sidii dib loogu so celin lahaa dadkii rayidka ahaa ee ku barakacay dagaalladaas.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!