Xarrakada Al-shabaab oo weerar xoogan ku qaaday degmada Xudur ee gobolka Bakool

by admin | Saturday, Oct 31, 2015

Bakool : HN :–Inta la xaqiijinayo 10 ruux ayaa ku geeriyootay tiro kale oo ka badan 30 ruuxna waa ay ku dhaawacmeen weerarro ay subaxnimadii hore e saakay ku qaadday Al-shabaab saldhigyo ay ciidamada dowladda Soomaaliya iyo kuwa AMISOM ee Itoobiya ka socda ku leeyihiin deegaanno ka tirsan gobolka Bakool.

Dagaalladan oo ahaa kuwo culus ayaa la sheegayaa in dhinacyadu ay isku adeegsadeen hub noocyadiisa kala duwan, iyadoo dhammaan dadkii ku dhintay dagaalladan iyo kuwa kale ee ku dhaawacmay ay ahaayeen dhinacyadii dagaallmayay.

Guddoomiyaha gobolka Bakool, Maxamed Macallin oo la hadlayay warbaahinta isagoo ku sugan degmada Xudur ee xarunta gobolkaalshabaab- Bakool ayaa sheegay inay dagaalkaas ku dileen dagaalladan 52 qof ka tirsan Al-shabaab ee Somalia, ayna kaga dhaawaceen tiro intaas ka badan.

“Al-shabaab ayaa saakay soo weerartay deegaannada Garas-weyne iyo Mooro-gaabey oo ka tirsan gobolka Bakool, waxaana halkaas lagu gaarsiiyay khasaare xooggan, dhankeenna khasaare ayaa naga soo saartay dagaalladan,” ayuu yiri Maxamed Macallin.

Sidoo kale, guddoomiyhuhu wuxuu xusay in dhankooda looga dilay dagaalka shan askari, toban kalena dhaawacyo ay kasoo gaareen, ayna iyagu hadda ku sugan yihiin deegaannadii lagu dagaallamay.

Maxamed Macallin oo la weydiiyay in ciidamada Itoobiya ee ka tirsan AMISOM ay kasoo gaartay khasaare dagaalladan iyo in kale, ayuu sheegay inuusan ogeyn khasaaraha kasoo gaaray dagaalladan, balse ciidamadooda iyo kuwa AMISOM ay dagaalka kuwada jireen.

Dhanka kale, Al-shabaab oo si kooban uga hadashay dagaallada ayaa iyaduna sheegtay in weerarrada ay ku qaadeen deegaannada Mooro-gaabey iyo Garas-weyne ay ku qabsadeen labadaas deegaan oo ku dhow degmada Xudur.

Hiiraan Net.

Hiiraan Net

Webmaster@hiiraannet.com

Hiiraannet@hotmail.com

Hiiraannet@gmail.com

Like it? Share it!